Duard & Béja
#Smittenin2025
Twee lewens, twee harte, twee siele word een.
Kom deel in vreugde wanneer
hulle een word voor God.
Duard & Béja
Plek
Venue: Smitsfield
Adres: Smitsfield Wedding Venue, Lothair Rd
Parkering: Beskikbaar op die venue
Seremonie
14:45 n.m. - Gaste Arriveer
15:15 n.m. - Seremonie
Die seremonie begin 15:15 n.m.
in die Ou Kapel
Onthaal
18:15 n.m. - Onthaal Saal
Feesviering
20:00 n.m. - Onthaal
Ons Liefdesverhaal
Hoe ons ontmoet het
Sommige liefdesverhale begin met ‘n groot gebaar, ander met ‘n toevallige ontmoeting. Béja en Duard se storie het buite ‘n biertent by Innibos in 2023 begin—tussen die musiek, die lag en ‘n paar goeie vriende. Dit was ‘n tipiese feesdag in Nelspruit, maar vir hulle was dit die dag wat alles verander het. Dit was die oomblik toe ‘n toevallige kennismaking verander het in iets wat sou hou—iets wat van daardie eerste oogopslag af net reg gevoel het. Hulle eerste "date" was eintlik glad nie ‘n date nie. Hulle het eerder iets heel anders gedoen—hulle het saam kerk toe gegaan. Net ‘n week nadat Béja vir Duard ontmoet het, het sy sy gesin ook leer ken. Dit was nie ‘n stadige begin nie—dit was net hulle. Onverwagse draaie en spontane oomblikke, presies soos hul verhouding oor die jare sou wees.
Verder in ons storie
Van die begin af was hul reis saam vol opwindende hoogtepunte, maar ook uitdagings. Langafstandverhoudings is nooit maklik nie, en hulle sin het net langer en langer geword. Toe Duard in 2024 vir werk na Bloemfontein moes trek en Béja nog in Johannesburg was vir haar studies, het hulle geweet dit sou ‘n toets wees. Maar elke oproep, elke laat-aand gesprek en elke moontlike naweek saam het net bewys: afstand sou nooit groter wees as wat hulle vir mekaar voel nie. En toe, sonder dat Béja dit weet, het Duard reeds begin beplan vir hul volgende groot oomblik.
Die Vraag
In Augustus 2024 stel Duard terloops voor dat hulle in September Kaap toe gaan om te kuier by Béja se vriendinne. Sy was dadelik opgewonde en het begin beplan—onbewus dat die werklike plan reeds lank in sy kop vasgelê was. Op 1 September, teen die pragtige kus van Hermanus en met ’n walvis wat voor hulle opduik (’n spesiale simbool vir Béja), vat Duard haar hand. Sy kon aan sy glimlag sien iets is op pad. Haar hart het gejaag. En toe, op een knie, vra hy die vraag wat haar hart lankal geken het. Béja het tegelyk gelag en gehuil—dit was perfek. Dit was húlle.
Dit is net die begin van hul lewenslange avontuur, en hulle kan nie wag om dit saam te beleef nie.
Laaste ding
Semi-Formele klere word vereis
Vier liefde met ’n stukkie helder kleur
Kom deel in ons spesiale dag
